asa

asa

Үс уналтыг зогсоож, өтгөрүүлэх шилдэг жор

Үс сайхан бол зүс сайхан гэдэг яах аргагүй үнэн үг. Гэтэл үс унаж шингэрэх асуудал олон хүнд тохиолдож сэтгэл санааг зовоодог. Тэгвэл...

Үс уналт нь олон шалтгаантай бөгөөд буруу хооллолт, өвчний улмаас хэрэглэсэн эм тарианы нөлөө, жирэмслэлт, төрөлт, ядаргаа, сэтгэл санааны байдал, стресснээс болж үс их бага хэмжээгээр байнга унаж шингэрдэг. Шингэн үстэй бол гоо зүйн талаасаа ч таагүй харагддаг шүү дээ. Тэгвэл танд тус болох нэгэн аргыг хүргэж байна. 

Энэхүү бэлдмэлийг хийхэд хэрэглэх орц:

• 3 хоолны халбага буцалсан царван /хатаасан царван байж болно/. Царванг эмийн сангуудаас хямд үнээр авч болно. 
• 
  
  
• • 3 хоолны халбага буцалсан лаврын навч /6-9ш буцлаагүй лаврын навч байж болно/
• 
  
  
• 100 мл ус  

Хийх заавар:

Лаврын навч, царвангаа буцалсан усанд хийж хутгаж таглаад 3 цагийн турш байлгана. Дараа нь шүршигчинд бэлтгэсэн уусмалаа шүүж хийгээд үсний угаар сайтар шүршиж түрхэж өгнө. Орой нь хэрэглэж унтаад өглөө нь үсээ угаагаарай. Долоо хоногт 2-3 удаа хэрэглэнэ.

Ач тус: Царван болон лаврын навч нь байгалийн гаралтай бүтээгдэхүүн бөгөөд хүний үсний хуйханд гүн тэжээл өгөх олон төрлийн эрдэс бодис агуулсан байдаг тул таны үсний уналтыг зогсоож, өтгөрүүлэх ид шидтэй юм. Үр дүнгээ өгтөл энэхүү аргыг байнга хэрэглэж болно. 

Эх сурвалж : 1000jor.mn

Үс сайхан бол зүс сайхан гэдэг яах аргагүй үнэн үг. Гэтэл үс унаж шингэрэх асуудал олон хүнд тохиолдож сэтгэл санааг зовоодог. Тэгвэл.....

Цагаан будаа хэрэглэн 3 хоногт 2,5 кг турах дэглэм

Агшаасан цагаан будаа нь цатгалт сайтай, тэжээллэг чанар ихтэйн дээр бага илчит хүнс юм. Хүнсний илчлэгийн хүснэгтээс харахад 100гр. будааны илчлэг 330ккал. гэж байгаа нь их мэт. Гэхдээ энэ нь түүхий будаанд хамаарах тоо юм. Тэгэхээр 100гр. агшаасан будаа 110 ккал. илчлэг агуулна гэсэн үг. Цагаан будааны бас нэг сайн тал нь биенээс бодисын солилцооны явцад үүсдэг хор, илүүдэл давс, шлак зэргийг гадагшлуулна. Тэгэхээр энэ шалтгаанаар ч бас биеийн жин буурах юм. Нэг сумаар хоёр туулай буудаж байна гэсэн үг.

Хэрэглэх заавар.

Цагаан будааны дэглэм олон хувилбартай байдаг. Бүх хувилбарын гол дүрэм нь, нэгдүгээрт, хальслаагүй будаа хэрэглэх,хоёрдугаарт, будаанд давс, амтлагч мэтийн ямар нэгэн юм холихгүй байх. Жаахан цуугаар амталж л болно. Гуравдугаарт, аль болох их ус уух хэрэгтэй. Мөн ногоон цай болон өөрөө шахсан шинэ алимны шүүс уухад болно.

3 хоногын дэглэм баривал өдөрт нэг стакан будааг агшаагаад түүнийгээ иднэ, ус юмуу дөнгөж шахсан алимны шүүс ууна.

14 хоног тэсэхээр шийдсэн бол, арай зөөлнөөр үзнэ. Будаан дээр ногоо, жимс нэмэгдэнэ. Өдөрт 200 гр. будааг агшааж иднэ. Өглөөд будаанаасаа каш болгон усанд чанаад, хатаасан жимс нэмээд идэхэд болно. Дээрээс нь нэг алим, ногоон цай ууна. Өдөр нь будаа агшаагаад, дээр нь жигнэсэн, эсвэл чанасан ногоо /төмснөөс бусад/ нэмж хутгаад идэхэд сайхан хоол болно. Ногоо чанасан шөлөө ууж болно. Оройн хоолондоо ногооны салат, жижиг аяга будаатай хэрэглэнэ. Чихэрлэг юм идмээр санагдаад болохгүй бол хэдэн үзэм, чавга зөвшөөрөгддөг.

Үр дүн.

3 хоногын дэглэмээр 2,5 кг хасагдана, гэхдээ үүний тал нь организмд байсан илүүдэл ус юм. 14 хоногын дэглэмээр 5кг өөхөө гээж болно.

Давуу талууд.

-Цагаан будаа нь олон амттай хоолны бүрэлдхүүнд ордог гэдэг утгаараа бусад дэглэмийг бодвол арай илүү амттай сайхан дэглэм юм.

-Цагаан будаа цатгалт сайтай учраас энэ дэглэмийн үеээр өлсөөд сүйд болоод байхгүй.

-Нүүрэнд батга гардаг байсан бол болино, гэхдээ буцаад хуучнаараа хооллоод байвал дахиад гарах нь мэдээж.

-Цусны даралт ихэддэг бол хэвийн болно.

Сул талууд.

-Цагаан будаа биеийг хэрэгцээгүй бодисноос цэвэрлэдэг боловч, ашигтай бодисыг ч бас гадагшлуулдаг талтай. Ялангуяа калий амархан гадагшилдаг. Тиймээс, витамин комплекс ууж байх хэрэгтэй болно.

-Цагаан будаа өтгөн хатаах үйлчилгээтэй нь “хэцүүхэн”.

-Махнаас бүрэн татгалзах шаардлагатай.

Агшаасан цагаан будаа нь цатгалт сайтай, тэжээллэг чанар ихтэйн дээр бага илчит хүнс юм. Хүнсний илчлэгийн хүснэгтээс харахад 100гр. бу...

Үхлийн аюултай, хамгийн хортой 10 ургамал

Гаднаа хичнээн үзэсгэлэн төгс, сайхан харагдах хэдий ч хүрэх үнэрлэх төдийд хамаг биед сөргөөр нөлөөлөх ургамлууд гэж байна. Эдгээр нь дэлхийд таран ургадаг бөгөөд олон хүмүүсийн аминд хүрч, онцгойлон анхаарах шаарлагатай болсон юм. Ингээд та бүхэндээ үхлийн аюултай хорт ургамлуудыг танилцуулъя. 

1"Хулслаг улаан цэгцүүхэй" (Oleander)

Тус ургамал нь Зүүд Өмнөд Азийн нутгаар ургадаг бөгөөд харсан хүн халширч зугтмаар тун ч аюултай аж. Энэ нь "неросяд" гэх хорт бодисыг агуулдаг төдийгүй түүний жижиг навчыг идсэн амьтан тэр дороо үхдэг юм. Харин насанд хүрсэн хүмүүсд сульдах, толгой эргэх, хэм алдагдах, булчин чичрэх зэрэг шинж тэмдэг илэрдэг байна. Мөн үүнийг шатаахад гарах утаа нь хамгийн хортой аж. 

2"Manchineel"

Өмнөд Америкийн эргийн дагуу ургах тус модноос ургах жимс нь үхлийн хортой. Тус жимс нь өөртөө "форбол" гэх арьс цочроогч аймшигт бодис агуулдаг бөгөөд үүнийг нь "үхлийн бяцхан алим" хэмээн нэрлэх нь ч бий. Мөн Карибын уугуул иргэд үүнийг нэгэн төрлийн зэвсэг болгон ашигладаг байна. 

3"Water Hemlock"

Энэхүү ургамал нь Грекийн нэрт Философич Сократын аминд хүрсэн гэдгээрээ тун алдартай. Тус ургамлыг хэрэглэсэн хүн тэр дороо татаж, чичрэн, улмаар мэдрэлийн системд нөлөөлдөг байна. Хэдийгээр тухайн ургамлыг хэрэглээд амьд гарсан ч мартах өвчтэй нэгэн болж хувирах аж. 

4"Angel’s Trumpets"

Өмнөд Америкийн бүс нутагт ургадаг энэхүү цэцэг нь аймшигтай хор хөнөөлийг учруулдаг байна.  Энэ нь өөртөө "атропин", "алкалоид" гэх зэрэг хорт бодисыг агуулдаг бөгөөд ихээр хэрэглэснээр суулгаж, хордлого авахаас гадна цаашлаад үхэлд ч хүргэж мэднэ. 

5"Цагаан могой ургамал" (White Snakeroot)

Энэхүү ургамал нь Америкийн хойд зүгт түлхүү ургадаг. Домог ярианд тус ургамлын хор нь АНУ-ын ерөнхийлөгч, улс төрч Авраам Линкольн (Abraham Linkoln)-ний эх Нэнси Хэнкс Линкольн (Nancy Hanks Lincoln)-ийг үгүй хийсэн хэмээдэг. Учир нь тус ургамлын маш бага хэсэг нь л бүх биеийг мэдээ алдуулан, халуу шатааж, аажмаар ухаан балартуулдаг ажээ. Тус ургамлаас гаргаж авсан химийн хорыг “Треметом” хэмээдэг байна. Ийнхүү хордсоноор тухайн хүнд бөөлжих, хүчтэй дэмийрсээр удалгүй нас бардаг гэнэ. Ургамлын хор нь могойн хортой тун төстэй тул ийн нэрлэжээ.

6"Гувай хатан" (Deadly Nightshade)

Харагдах байдлаасаа улаан лооль, төмсний цэцэгтэй тун төстэй харагддаг. Мөн л үхлийн аюултай аймшигт ургамлын нэг бөгөөд, хүмүүс ойд явж байхдаа андууран идээд, нас барах тохиолдлууд цөөнгүй гэнэ. Ялгарах онцлог нь тус ургамлын хор нь хохирогчоо хэсэг хугацаанд шаналгаж, аажмаар амийг нь авч оддог ажээ. Ухаан санаа балартах, орж гарах, нүд сүүмийж, бүрэлзэх, зүрх дэлсэх шинжүүд илэрч, яаралтай арга хэмжээ аваагүй тохиолдолд амьсгал хураадаг байна.

7"Халуун цэцэг" (Aconite)

Энэхүү ургамлыг “хорт хатан”, “чөтгөрийн дуулга”, “халуун цэцэг” ч хэмээн нэрлэх нь бий. Учир нь нэг л хордосон бол эдгэрэх магадлал маш бага, үхэлтэй нуур тулгардаг байна. Илрэх шинж тэмдэгүүд нь харилцан адилгүй ч, ихэвчлэн гүн хордлогын шинжүүд илэрч, амьсгал боогдож эхэлдэг байна. Ашгин зуурын хугацаанд ч хохирогчийнхоо амийг аваад явах аймшигт хорыг шингээсэн байдаг. Ихэвчлэн дэлхийн бөмбөрцгийн хойд хагасаар ургадаг аж.

8"Амиа хорлолтын мод" (Suicide Tree)

Энэхүү аймшигтай ургамал нь Энэтхэгийн Керала мужид ургадаг бөгөөд маш олон хүмүүс санаандгүй байдлаар хордож, амь насаа алдаж байжээ. Хордсон тохиолдолд зүрхний хэмнэл огцом алдагдаж, хохирогч тэр дороо амьсгал хураадаг байдаг. Тиймээс ч энэхүү ургамлыг эртнээс бусдын амыг бүрэлгэхэд ашиглаж байсан түүхтэй. Амт нь маш халуун, хэл дарвигнасан амттай бөгөөд хор нь шууд биед нэвчиж эхэлдэг аж.

9"Цэцгэн хэлхэйт вандуй" (Rosary Pea)

Ургамлын хорт уураг болох абриныг их хэмжээгээр агуулдаг цэцгэн хэлхэйт вандуйг идэх аваас, хамаг бие сульдаж, аажмаар үхэлд ойртдог байна. Энэ нь голдуу Индонез улсад ургадаг бөгөөд тухайн нөхцөлд хорны эсрэг ерөндөг байвал амь аврагдах боломжтой билээ. 

10"Castor Bean"

Үүгээр эмийн журмаар хэрэглэх тосон туулга хийдэг бөгөөд үйлчилгээ үр дүн сайн хэмээдэг. Харин байгальд ургаж буй тус ургамлын үрийг идэх төдийд бөөлжин, суулгаж, уушгинд сөрөг нөлөө үзүүлдэг байна. Цаашлаад энэ нь үхэлд ч хүргэх магадлалтай. 

Эх сурвалж :Caak.mn

Гаднаа хичнээн үзэсгэлэн төгс, сайхан харагдах хэдий ч хүрэх үнэрлэх төдийд хамаг биед сөргөөр нөлөөлөх ургамлууд гэж байна. Эдгээр нь дэ...

Өвдсөн үед хэрчим СОНГИНО танд хэрхэн туслах вэ?

Сонгино бол айл бүрийн өдөр тутмын хүнсний ногооны хэрэглээний нэг шүү дээ. Тэгвэл сонгинод ямар анагаах ид шид нуугддагийг мэдмээр байна уу?

Чихэндээ сонгины жижиг хэрчим хийхэд ямар үр дүн үзүүлсэн талаар мэдээлэл олон нийтийн сүлжээгээр шуугиан тарьж эхэлжээ. Сонгинод үнэхээр анагаах ид шид байдаг гэдгийг энэхүү мэдээлэл дахин нотоллоо.

Хэрвээ та энэ талаарх мэдээллийг сонсож мэдээгүй бол анхаарлаа хандуулаад доорх мэдээллийг уншаарай!

1. Хуурай ханиалгыг ор мөргүй болгоно.

Сонгины хандаар сироп бэлтгэн хэрэглэх. Мэдээж энэ бэлдмэл тийм ч таатай үнэр амттай биш. Сонгины хандыг бага багаар уухын зэрэгцээ, чихэндээ хэрчим сонгино хийгээрэй. Биед орсон сонгины ханд ханиалга дархаас гадна цусан дахь ханиадны вирусыг дардаг.

2. Халуун буулгана

Сонгиноор халуун буулгах аргыг бага насны хүүхдэд ч хэрэглэхэд тохиромжтой. Сонгиныг алимны цуунд дэвтээгээд хүүхдийн хөлний ул, чихний ар хэсэгт жин тавих хэрэгтэй. Халуун нүдний чинь өмнө л бууна

3. Бээрээд байвал ....

Цаг үргэлж даарч байдаг хүн бүр хэрэгжүүлээрэй. Бие тавгүйтэж даарах мэдрэмж төрөх үед бага зэргийн түүхий сонгино идээрэй.

4.Толгой ба чихний өвдөлтийг намдаана.

Чих өвдөх шиг хэцүү зүйл гэж байдаггүй. Чих нь удаан хугацаанд өвдсөн хүмүүс юу ч хамаагүй хийхэд бэлэн болчихсон байдаг. Хэрвээ таны чих эсвэл толгой таллаж өвдвөл та чихэн дотроо хэрчим сонгино унтахынхаа өмнө хийгээрэй. Өглөө босоод үр дүнгийг нь үзэх болно.

5. Цус алдалтыг зогсооно.

Хайч, цаасны хутга зэрэгт та гараа исгэчихсэн бол сонгиныг нимгэн хэрчээд тавиарай. Дор нь цус алдалтыг зогсооно.

6. Сорви бүдэгрүүлнэ.

Сорви тогтсон хэсгээ сонгиноор арчаарай. Мэдээж шидийн мэт алга болохгүй ч сорвийг бүдэгрүүлэн үл мэдэг болгох чадалтай.

7. Түлэгдэлтэнд тустай.

Гэхдээ энэ удаад наранд түлэгдсэн арьсанд тустай талаар юм. Сонгиныг хоёр хуваагаад түлэгдсэн хэсгийн арьсан дээр 2 минут орчим тавиарай. Өвдөж, хорсох зовиурыг намдаана.

8. Зөгийнд хатгуулахад хамгийн сайн эмч.

Хэрвээ та амралт зугаалгаар явж байх үедээ зөгийнд хатгуулсан бол тэр дор нь арга хэмжээ авч сонгины хэрчмийг зөгий хатгасан газар тавиарай. Зөгийн хорыг цаашлуулалгүй, татаж аван гадагшлуулдаг байна.

Эх сурвалж: 1000jor.mn

Сонгино бол айл бүрийн өдөр тутмын хүнсний ногооны хэрэглээний нэг шүү дээ. Тэгвэл сонгинод ямар анагаах ид шид нуугддагийг мэдмээр бай...

Арьсаа цайруулах амархан аргууд

Улирлын онцлогоос шалтгаалж нар салхинд явснаас болж нүүрний арьс амархан борлодог шүү дээ. Тэгвэл санхүүгээ хэмнээд гэрийн нөхцөлд цагаахан арьстай болох амархан аргуудыг сураарай.

1. Тараг - Эрт үеэс л манай нүүдэлчин монголчууд цагаан идээний ашиг тусыг хүртсээр ирсэн. Өнөө үед ч гэсэн сүү, тараг зүйрлэшгүй их өгөөж өгсөөр байна. Үүний тулд орой унтахынхаа өмнө нүүрний арьсаа сайтар цэвэрлээд чихэргүй, организ өтгөн тарагийг нүүрэндээ жигд түрхээд унтаарай. Өглөө босоод бүлээн усаар угааж цэвэрлэнэ. Өдөр бүр энэ аргыг хэрэглэж болно. Байгалийн бүтээгдэхүүн учраас хор нөлөө байхгүй. Харин цагаан идээний харшилтай бол энэ аргыг хэрэглэхээс татгалзаарай. Тарагтай байсан төмөр сав, битон тараг дууссаны дараа харахад ёроол нь гялтганасан цагаан болсон байдгийг хүн бүр мэднэ биз дээ. 

Улирлын онцлогоос шалтгаалж нар салхинд явснаас болж нүүрний арьс амархан борлодог шүү дээ. Тэгвэл санхүүгээ хэмнээд гэрийн нөхцөлд цаг...

Чулуужсан шүдийг гэрийн нөхцөлд эмчлэх шалгарсан арга

Бид бүгд шүдний чулууг үзэн яддаг бас шүдний эмчид очхоос бүүр ч их айдаг шүү дээ. Иймд таньд шүдний эмчид очих шаардлагагүгээр гэрийн нөхцөлд хэрхэн шүдний чулууг арилгаж болох жорыг хүргэж байна.

Хэрэглэгдэх зүйлсүүд:

-40гр нунтагласан хушигны яс

-250гр ус

Хийх дараалал:

-Усандаа нухсан хушганы ясаа хийгээд 20 минут буцалгана.

-Дараа нь хэсэг хөргөсний дараа шүдний сойзон дээр бага зэрэг авч шүдний чулуутай хэсгүүдээр сайтар үрж 10 минут угаана.

-Амаа бүлээн усаар сайтар зайлна.

Үүнийг өдөрт гурван удаа 7 хоногийн турш тасралтгүй хийвэл таны шүдний чулуу ор мөргүй арилах болно.

Эх сурвалж amjilt.com

Бид бүгд шүдний чулууг үзэн яддаг бас шүдний эмчид очхоос бүүр ч их айдаг шүү дээ. Иймд таньд шүдний эмчид очих шаардлагагүгээр гэрийн ...

Зэс хорт хавдрыг эмчилдэг

Монголчууд эрт дээр үеэс зэсийг эмчилгээний зориулалтаар ашиглаж ирсэн. Зэс эрдэс тогтоох, нян бактерийг устгах нөлөөтэй байдаг. Мөн эрдэс давсны солилцоог идэвхжүүлж, нойргүйдлийг багасган, төв мэдрэлийн системийг сайжруулан цусан дахь инсулины үйлчилгээ, цагаан эсийн үйл ажиллагааг дээшлүүлдэг аж.  Зэсийг хөхний үрэвсэл, хатуурал, умайн хоргүй хавдар тэргүүтнийг эмчлэх зорилгоор тухайн газар тавьж хэрэглэнэ.  

Зэсэн бүслэвч 

Энэхүү зэс эдлэл нь нуруу бөөр, эмэгтэйчүүдин савны өвчлөл, түрүү булчирхай, ууц нурууны зөөлөн эдийн гэмтэл, доргилтоос, элэг цөс ходоод, уушгины өвчлөл сүрьеэ, хатгаа, үе мөчний өвчлөлийг анагаах увидастай. Мэс заслын дараах үеийн шархлаан дээр зэс тавьж боовол нягтрал нэвчдэс нь арилна. 

Зэс улавч 

Эрт дээр үеэс уламжлагдан ирсэн энэхүү эмчилгээ нь хөлийн улнаас толгойн орой хүртэл бүх төлрийн өвчнийг анагаадаг байжээ. Хуян, шар усыг тараах, цусны эргэлтийг сайжруулах, ясны сийрэгжилтийг зогсоох, үе мөчний өвчлөл болон түрүү булчирхай, эмэгтэйчүүдийн савны өвчлөл, хавдар, цусны өвчин, үс уналтыг зогсоох зэрэгт сайн. 

Зэс бугуйвч 

Үе мөчний өвчлөл, хуян шар усыг тараахад зүүж хэрэглэнэ. Мөн биеийн эсэргүүцэл сулрахад зэсний өнгө хувирдаг. Ялангуяа хүүхэд зэс зүүснээр дархлааг сайжруулж хоолой өвдөх шүд цоорох, үс унах зэргээс сэргийлдэг.

Зэс аяга

Зэс аяганд тогтмол хоол хүнс хэрэглэхээс гадна эмчилгээний зориулалтаар ашиглахыг зөвлөж байна. Ходоодны шархлаа болон дотор бүх өвчлөлийн үед бөөрөнхий байцааг буцалгаад шүүсийг нь зэс аяганд хийж хонуулаад өглөө 5-7 цагийн хооронд 30 хоног тогтмол уухад ямар ч дотор өвчний өвчлөлийг нэн дарай эмчилдэг байна. 

Монголчууд эрт дээр үеэс зэсийг эмчилгээний зориулалтаар ашиглаж ирсэн. Зэс эрдэс тогтоох, нян бактерийг устгах нөлөөтэй байдаг. Мөн эр...

Нүүрээ хооллоё, хүүхнүүд ээ!

Хүүхнүүд бид их сонин улс шүү? Хөргөгчинд нь нүүрний арьсны натурал “хоол” төрөл бүрээрээ бэлээхэн байж байхад, түүнээ огт тоохгүй, заавал үйлдвэрийн, элдэв химийн хольцтой, яав ч натуралаас долоон дор маскуудыг авна. Өргөст хэмхний, ногоон цайны мэтийн энгийн маскуудыг дэлгүүрээс авах хэрэг юу байна? Өөрөө өргөст хэмхийг хэрчээд, үрээд, эх орныхоо тайгын ургамлаар хийсэн ногоон цайг хандлаад нүүрэндээ “зоог баривал” нүүрний тань арьсанд хавьгүй илүү үр дүнтэй тусах биш үү?

Ямар ч айлын хөргөгчийг онгойлгоод үзэхэд хэд хэдэн төрлийн энгийн натурал маск хийж болох хүнсний бүтээгдхүүн байж л байгаа. Зөөхий, аарц, зөгийн бал, өндөг, ургамлын болон цөцгийн тос, цай, төрөл бүрийн жимс, ногоо...ммм... гээд л арьс маань “амаа олохгүй идэхээр” амттан танайд байж л байгаа гэдэгт эргэлзэхгүй байна. Одоо нэг жаахан нүүр хүзүүний арьсаа баярлуулбал яасан юм бэ, алийн болгон ходоодоо л баярлуулахав? Байгалийн сайхан жимс боловсорч байна, цаана чинь, энэ сайхан натурал витаминыг ходоодоор дамжуулалгүй, нүүрэндээ шууд хүртээвэл хөөрхий минь яасан их баярлах бол? Үүнд ажил ороод байх юм байхгүй, идэж байгаа жимсээ нүүр хүзүүндээ нялаад хэдэн минут байлгачихад л хангалттай.Энэ бол хамгийн энгийн маск боловч ач тус нь танд гологдохгүй, ямар ч үйлдвэрийн маск, нүүрний тос болон бусад нүүр арчилгааны бүтээгдхүүнээс илүү их үр дүн өгнө. Болж л өгвөл нүүрэндээ маск тавьж байхыг эрхэмлэвэл та өдрөөс өдөрт “царай орсоор” байх вий. Маскны тусламжтайгаар нүүрний цусан хангамжаа нэмэх, арьсныхаа үхэжсэн эд эсүүдийг зайлуулах, хялгасан үрчлээснүүдээ арилгах, өрөвслийн процессийг эдгээх, нүүрнийхээ булчинг чангаруулах, арьсаа уян зөөлөн болгох, арьсныхаа ядаргааг тайлах гээд хүссэн үр дүндээ хүрч болно.

Маскийг дотор нь цэвэрлэх маск, тэжээлийн маск, сэргээх маск, арьс гуужуулах маск, цайруулах маск, арьсны тослогийг багасгах маск, чийгшүүлэх маск, тайвшруулах маск, эмчилгээний маск  гэх зэргээр ангилдаг. Нэгэн зэрэг олон үйлчилгээ үзүүлдэг /цэвэрлэх,тэжээх,зөөлрүүлэх,цайруулах, тайвшруулах г.м./ маш олон хувилбараар маскийг хийж болно. Ямар маскийг сонгох нь яг одоо та ямар үр дүнг сонирхож байгаагаас, мөн жилийн улирал, таны нас, арьсны тань шинж чанар зэргээс шууд хамаарна. Тэжээлийн маскуудыг ямар ч хүн гэртээ хийгээд тавиад байж чадах тул танд хэдэн зөвөлгөө болон маскны жор хүргэе.

Мэдээж, арьсыг хамгийн сайн тэжээдэг маскууд бол жимс, ногооны маск гэдэг нь ойлгомжтой. Шинэхэн натурал витамин, эрдэс бодиснууд... Элдэв “витаминтай” гэх тос, үйлдвэрийн масктай жишээд ч хэрэггүй. Жимс ногооны маскийг тослог, үрчлээтсэн, сэвхтсэн арьсанд ямар ч хольцгүйгээр тавьж болно. Харин хуурай арьсанд бол ургамлын тос, цөцгийн тос, зөөхий зэргийг нэмэх хэрэгтэй. Цочромтгой эмзэг арьсанд ус болон сүүгээр шингэлж тавьбал зохино. Зөөлөн жимс жимсгэнийг халбагаар нухна, хатууг - үрүүлд үрнэ. Эсвэл маш нимгэн зүснэ. Маскийг бэлдэнгүүтээ тэр дор нь хэрэглэх хэрэгтэй. /агаарт витамин маш хурдан задардаг/ Өтгөн маскийг хуванцар хусуураар, хуруугаараа, эсвэл багсаар түрхэнэ. Шингэнийг, хэд давхарласан марланд, эсвэл зориулалтын бэлдэцэнд шингээж нүүрэндээ тавина. Зөгийн балтай маскийг болгоомжтой хэрэглээрэй. Харшил өгөмтгэй эд. Эхлээд чихнийхээ ард түрхээд 15 минут байлгаад үзээрэй. Ер нь хэрэглэж үзээгүй маскийг эхлээд чихнийхээ ард туршаад үзсэн нь өлзийтэй.

Маск тавихын өмнө нүүрээ сайн цэвэрлэнэ. Халуун бигнүүр тавьж арьсаа эхлээд бэлдвэл мэдээж хавьгүй илүү үр дүнтэй байх болно. Тэгээд маскаа түрхээд болж өгвөл хэвтэх нь зүйтэй. Юм ярихгүй тайван хэвтвэл сайн.

Маскийг 15-20 минут тавихад л хангалттай. Энэ хугацаанд арьс өөрт хэрэгтэй бодис, үйлчилгээгээ бүрэн авч амждаг тул удаан байлгах шаардлага байхгүй, харин ч муу талтай: арьс сунах, ядрах зэрэг үзэгдэл гардаг.

Хугацаа дуусмагц, маскаа нойтон алчуур, эсвэл норгосон хөвөнгөөр хөнгөн арчиж аваад, нүүрээ эхлээд бүлээн усаар, дараа нь хүйтэн усаар зайлаарай. Угаах биш, зайлах юм шүү: нүүрэндээ өгсөн тэжээлээ буцаагаад угаагаад авчихвал ямар хэрэг байхав дээ? За тэгээд шаардлагатай бол тосоо түрхэнэ.

Хуурай арьсанд зориулагдсан масканд ургамлын тос орох нь элбэг. Энд ямар ч ургамлын тос байж болох боловч, хамгийн их витамин болон бусад ашигтай  бодисыг оливын тос өөртөө агуулж байдаг тул ургамлын тосны хаан-оливын тосыг хэрэглэвэл сайн. Мөн нохойн хошууны үрний тос, төрөл бүрийн самрын тос ч байж болно.

Маскийг тань бүрдүүлж байгаа бүх бүтээгдхүүн экологийн цэвэр бүтээгдхүүн байх ёстойг хэлээд хэрэггүй биз? Эрээнээс ирдэг чанаргүй өргөст хэмхээр нүүрээ хордуулаад яахав. Зун намарт байгалийн жимс, ориг ногоо боловсрох үеээр нүүрээ сайтар хооллож авч байх хэрэгтэй байх.

Аливаа маскийг бэлдэхдээ хольцуудаа бага багаар хийн тасралтгүй хутгаж нэгэн жигд болгоод аль болох хурдхан шиг нүүрэндээ тавиарай. Дөнгөж хөргөгчнөөс гаргаж ирсэн бүтээгдхүүнээр маск зуурч байгаа бол халуун усан дотор тавьж бүлээсгэхээ мартуузай. Танд амжилт хүсье!

Хуурай болон хэвийн арьсанд зориулагдсан маскууд

1ширхэг өндөгний шар+2 цайны халбага ургамлын тос, сайтар хутгаад+0,5 ц/х шингэн ногоон цай + 1ц/х зөгийн бал. Нэгэн жигд болтол нь хутгаад, талыг нь нүүр, хүзүүндээ түрхээд, 5 минутын дараа үлдсэнийг нь нэмж түрхэнэ.

2 амны халбага аарц+1 а/х цөцгий+чимх давс+1 а/х ургамлын тос.

1ширхэг өндөгний шар+0,5 ц/х жимсний, эсвэл ногооны шүүс+1ц/х ургамлын тос+1ц/х зөөхий.

Нарийн үрүүлээр үрсэн лууван-2 амны халбага + 1ш өндөгний цагаан, хөвсийтөр нь хутгаад + 1ц/х ургамлын тос + халбагны үзүүрээр цардуул

Тоорны нухаш-2 а/х + 1ш өндөгний цагаан, сайн хутгаад + бага зэрэг гурил.

Бананыг нухаад +жаахан сүү

Нарийн үрүүлд үрсэн өргөст хэмх + зөгийн бал+ургамлын тос /бүгд ижил хэмжээтэй/

Ногоон салатны навчнуудыг жижиглэн хэрчээд, ургамлын тостой хутгаад хэдэн дусал нимбэгний шүүс нэмнэ.

1ш өндөгний шар+1 ц/х зөгийн бал + 1ц/х рашаан ус

1ш өндөгний шар + 1а/х ургамлын тос + 1 а/х зөгийн бал

1ш өндөгний шарыг 1 а/х нунтагласан геркулестэй хутгана.

1а/х цөцгий + 1ш өндөгний шар + 1ц/х луувангийн шүүс

Улаан лоолийг нухаад өтгөртөл нь цардуул нэмж хутгаад хэдэн дусал ургамлын тос нэмнэ.

Нүүрээ цөцгийгээр арчаад, дээрээс өндөгний шар түрхэнэ. Нойтон гараараа массаж хийж нүүрэн дээрээ хөөс үүсгээд, хатаана. Дараа нь усаар угаана.

Шинэхэн төмсийг чанаж нухаад, сүү, жимсний болон ногооны шүүс нэмж хутгана.

Гүзээлзгэнийг нухаад + зөөхий + зөгийн бал.

Өргөст хэмхийг нарийн үрүүлээр үрээд + зөөхий + хэдэн дусал ургамлын тос.

Тослог арьсанд зориулагдсан маскууд.

2ш өндөгний шар + 1ц/х лимоны эсвэл өөр исгэлэн жимсний шүүс + 2ц/х зөөхий. Маскийг угаасны дараа ногоон цайгаар хүйтэн бигнүүр тавина.

2ш өндөгний цагааныг хөөсөртөл нь хутгаад + 0,5ц/х лимоны шүүс. Нүүрэндээ багсаар түрхээд 5 минут тутам нэмж түрхэнэ. Нүхтэй, барзгардуу тослог арьсанд маш тохиромжтой.

1а/х аарц + 1 а/х ургамлын тос + бага зэрэг сүү + бага зэрэг луувангийн шүүс. Нүүрэндээ 30минут тавина.

Үхрийн нүд, эсвэл улаалзганыг бяцлаад, 1а/х крахмал нэмж хутгана.

Шүүслэг лууванг үрээд бага зэрэг тальк /хүүхдийн цацлага/ нэмнэ.

Өргөст хэмхийг нарийн үрүүлд үрээд, цөцгийн тос нэмж хутгаад 1 цаг байлгана. Дараа нь тунасан шүүсийг нь юүлээд, өтгөн хэсгийг нь нүүрэндээ тавина. Маскыг авсны дараа шүүсээр нь нүүрээ арчина.

Хөөсөртөл нь хутгасан өндөгний цагаан дээр 1ц/х чацарганы шүүс нэмнэ.

Үрчлээтэй, хөгширч эхэлсэн арьсанд зориулагдсан маск

Түүхий төмсийг нарийн үрүүлээр үрээд, хоёр марлын дунд хийгээд нүүрэн дээрээ тавина.

1а/х зөгийн бал + 1а/х өтгөн ногоон цай + 2 а/х нунтагласан геркулес + 2а/х ус. Хутгаад, бүлээсгээд нүүрэндээ тавина.

1ш өндөгний шар + 1ц/х ургамлын тос + хэдэн дусал нимбэгний шүүс.

1ш өндөгний шар + 1ц/х ургамлын тос, 1ц/х зөөхий + 1ц/х луувангийн шүүс + 2-3ц/х крахмал, эсвэл нунтагласан геркулес.

1ш өндөгний шар + 10г ургамлын тос + 10г зөгийн бал + 10г зуун настын шүүс + 15г цэвэр ус

2 халбага шинэхэн аарц + 0,5а/х шингэн зөгийн бал + тал өндөг. Хөөсөртөл нь хутгаад нүүрэндээ түрхэнэ.

1ш өндөгний цагааныг хөөсрүүлээд, 2а/х өргөст хэмхний шүүс нэмж хутгана.

Халгай, багваахай цэцэг, таван салаа зэргийн аль нэгний ногоон навчийг машиндаж жижиглээд + бага зэрэг ус+1а/х зөгийн бал.

Ээдэм + зөөхий /хуурай арьсанд/, ээдэм + тараг/тослог арьсанд/.

Түүхий хулуу /кабачок/ нимгэн зүсээд нүүрэн дээрээ шууд тавина. 20минутын дараа түүхий сүүгээр зайлна.

Алимыг үрүүлд үрээд + 1а/х ургамлын тос, эсвэл цөцгий /хуурай арьсанд/, 1 өндөгний цагаан/тослог арьсанд/

Хүүхнүүд бид их сонин улс шүү? Хөргөгчинд нь нүүрний арьсны натурал “хоол” төрөл бүрээрээ бэлээхэн байж байхад, түүнээ огт тоохгүй, заа...

Тураах Япон дэглэм

Япон дэглэм гэсэн нэртэй боловч япончуудын уламжлалт хооллолтой тийм ч төстэй биш дэглэм юм. Зүгээр л Японы нэгэн хоолны институт боловсруулсан тул ийнхүү нэртэй болсон байна. Маш зөв зохицолттой хооллолтыг санал болгодгоос нь, мөн нэрнээс нь болоод хүмүүс энэ дэглэмийг сонгох нь элбэг. Дэглэмийн гол зарчим нь уураг ихтэй хүнс хэрэглэнэ. Тос болон нүүрсуснаас бүрдсэн хүнс /гурил, будаа, чихэр/ хориотой. Маш хатуу дэглэмд тооцогддог. Элдэв амтлагч, жаахан чихэр гэх мэтийн асуудал энд байхгүй.

Хэрэглэх заавар

Хүссэн үр дүндээ хүрэхийн хамт бие организмынхаа бодисын солилцоог зөв гольдролд оруулъя гэвэл доор дурьдсаныг хэмжээ дарааллыг нь огт зөрчилгүй дагах шаардлагатай.

1 дэхь өдөр: өглөө- натурал хар кофе. Өдөр- 2ш. чанасан өндөг, ургамлын тосоор амталсан байцааны салат, нэг ширхэг улаан лооль. Орой- 200гр. жигнэсэн юмуу шарсан загас, байцааны салаттай.

2дахь өдөр: өглөө- хар кофе 1зүсэм хатаасан талхтай. Өдөр- загас, байцааны салат. Орой- 200гр. чанасан үхрийн мах, тослоггүй тараг 1 аяга.

3дахь өдөр: өглөө- хар кофе. Өдөр- 1ш. түүхий өндөг, чанасан луувангийн салат, ургамлын тостой. Орой- 2 ш. алим.

4дэхь өдөр: өглөө- кофе. Өдөр- ургамлын тосонд шарсан яншуйны үндэс, 2ш. алим. Орой-2ш. чанасан өндөг, 200гр. чанасан үхрийн мах, байцааны салат.

5дахь өдөр: өглөө- лимоны шүүс цацсан түүхий луувангийн салат. Өдөр- 500 гр. шарсан /чанасан/ загас, улаан лоолийн шүүс 1 аяга. Орой- дахиад 200гр. загас, байцааны салат.

6дахь өдөр: өглөө- кофе. Өдөр- 500гр. чанасан тахианы мах, байцаа луувангийн салат. Орой- 2ш. чанасан өндөг, түүхий луувангийн салат. /бага зэрэг ургамлын тостой/

7дахь өдөр: өглөө- хар баахуу цай. Өдөр- 200гр. чанасан үхрийн мах, 2ш. алим. Орой- урьдах өдрүүдийн оройн хоолноос аль дуртайгаа сонгоорой.

Дараагийн долоо хоногт эхнээс нь давтана.

Үр дүн

14 хоногын үр дүн 7-8 кг илүү жингээ гээх болно. Гэхдээ баярлаад үргэлжлүүлж ёстой болохгүй шүү. Тэгвэл тэгширч ирсэн бодисын солилцоо тань дахин буурч, та эрүүл мэнддээ хор учруулна.

Давуу талууд:

-Дэглэмийг ягштал дагахад та турахаас гадна организмаа дэс дараалалтайгаар цэвэрлээд авна, дотор эрхтэнүүдийн тань үйл ажиллагаа нормдоо орно. Бие тань хөнгөрч царай тань засарч, зовхи бүлцийх нь багасна.

-Бодисын солилцоо сайжирснаар цаашид хэт их идэхгүй л бол жингээ бариад байж чадна. Одоо спорт, дасгал хийвэл үр дүн ихтэй байх болно.

Сул талууд:

-Өглөө шууд л хар кофе уух нь ходоод муу болон зүрх судасны өвчтэй хүнд тусгүй.

-Дэглэмийн цэсэнд магни, кальци болон бусад бичил элементүүдийн агуулга бага байх тул энэ үед зохих бэлдмэлийг хэрэглэх хэрэгтэй.

-Дэглэмээс гарсны дараа 3 жилдээ буцаж таргалахгүй гэж зохиогчид нь хэлдэг боловч хамаагүй идвэл 14 хоногт л буцаад хэвэндээ ордог.

Япон дэглэм гэсэн нэртэй боловч япончуудын уламжлалт хооллолтой тийм ч төстэй биш дэглэм юм. Зүгээр л Японы нэгэн хоолны институт болов...

Зөв хооллолт, үнэт зөвөлгөөнүүд

Оросын нэрт эмч, зөв хооллолтын тухай олон номны зохиогч Мариана Трифонова “АиФ” сонины уншигчдын асуултанд хариулсныг хүргэе.

Оройн хоол идэхгүй байвал таргалахгүй гэдэг.  Хоосон ходоодтой унтаж чадахгүй юм. Оройн хоолноос татгалзаж сурмаар байна, яавал дээр вэ?

Оросын нэрт эмч, зөв хооллолтын тухай олон номны зохиогч Мариана Трифонова “АиФ” сонины уншигчдын асуултанд хариулсныг хүргэе. Оройн ...

ХАРШИЛ - Хамар битүүрч нус гоожих, нүд загатнаж улайх зэрэг харшлыг нам дарах аргууд

Харшил хөдлөж хамар битүүрч, нус, нулимс зэрэг гоожиж, хамар, нүд загатнах үнэхээр хэцүү шүү дээ. Тэгвэл гэрийн нөхцөлд эм тариа хэрэглэхгүйгээр байгалийн аргаар хэрхэн энэ байдлаас ангижрах вэ?

Харшил хөдлөж хамар битүүрч, нус, нулимс зэрэг гоожиж, хамар, нүд загатнах үнэхээр хэцүү шүү дээ. Тэгвэл гэрийн нөхцөлд эм тариа хэрэгл...

Бие организмдоо их цэвэрлэгээ хийж 14 хоногт 5-8кг тураарай

Илүүдэл жинтэй байж өөрийн биеийн аль нэг хэсэгтээ гутарч явах таагүй шүү дээ. Тэгвэл богино хугацаанд жин хаяхаас гадна бие организмаа бүрэн цэвэрлээрэй.

Илүүдэл жинтэй байна гэдэг нь та өөрийн бие мах бодидоо тодорхой хэмжээний илүүдэл бохирдол, өөх тээж яваа гэсэн үг. Энэхүү илүүдэл асуудлаас л салах юм бол та сайхан бие галбир, эрүүл амьдралын хэвшилтэй болно гэсэн үг.

Дараах тураах дэглэмийн гол орц нь ердөө л гурвалжин будаа юм. Гурвалжин  будаагаар яаж турах вэ гэж үү? Гурвалжин будаа болон цэвэр усыг голлон хэрэглэх ба доорх дүрмийг 14 хоног баримтлана. 

Хийх арга: Орой унтахынхаа өмнө 1 аяга гурвалжин будааг 2 аяга буцалгасан халуун усанд хийж хонуулна. Халуун усанд гурвалжин будаа сайтар дэвтэж зөөлөрч болох болно. Өглөө босоод илүүдэл усыг шүүж асгаад гурвалжин будааг өлөн гэдсэн дээрээ идэж чадах чинээгээрээ иднэ. Бүгдийг нь идвэл сайн шүү. Үнэхээр барахгүй бол ядаж талыг нь идэж дуусгах хэрэгтэй. Идэхэд амт муутай байвал маш бага хэмжээгээр л давслаж болно. Давсгүй идвэл бүр илүү үр дүнтэйг санаарай. Шөнийн турш усанд зөөлөрч дэвтэж хоносон гурвалжин будаанд хүний бие организмд шаардлагатай бүхий л эрдэс бодис баялаг их хэмжээгээр агуулагдаж байдаг. Мөн илүүдэл хорт бодисыг устгах, өөх тосыг биеэс хөөж хайлуулах үр дүнтэй. Ер нь сул тал байхгүй, бүхий л талын ашиг тустай будаа шүү дээ. Энэ үед өөр төрлийн ямарч хоол идэхгүй ба өлсвөл өглөө үлдээсэн хөц будаагаа идэж болно. 

Өдрийн турш өөр юу ч идэхгүй зөвхөн будаагаа идэх байдлаар 10-14 хоног энэ дэглэмийг барина. Гэхдээ дараах дүрмийг заавал мөрдөөрэй. 

- Эхний өдөр үнэхээр өлсөж байвал хүүхдийн будаа каш эсвэл овьёосны зутан идэж болно. Өдрийн турш бага багаар 1 литр ус ууна.

- Хоёр дахь өдөр үнэхээр өлсөж байвал хүүхдийн будаа каш эсвэл овьёосны зутан идэж болно. Өдрийн турш бага багаар 2 литр ус ууна.

- Гуравдахь өдөр каш уухаас гадна шингэвтэр хандалсан цай эсвэл кофе ууж болно. Өдрийн турш бага хэмжээгээр ойр ойрхон 3 литр ус уухыг хичээгээрэй.

- Дөрөв дэх өдөр жимс жимсгэнэ идэж болно. Гэхдээ 2 ширхэгээс илүүгүйг иднэ. Жишээ нь алим, гадил жимс илүү тохиромжтой. Хүссэн хэмжээгээрээ усаа ууна. 

- Тав дахь өдөр унтахаасаа 5 цагийн өмнө тал аяга буюу 150гр тослог багатай тараг идэж болно. Хүссэн хэмжээгээрээ усаа ууна. 

- Зургаа дахь өдөр унтахаасаа 5 цагийн өмнө тал аяга буюу 150гр тослог багатай тараг идэж болно. Хүссэн хэмжээгээрээ усаа ууна. 

- Долоо дахь өдөр унтахаасаа 5 цагийн өмнө тал аяга буюу 150гр тослог багатай тараг идэж болно. Хүссэн хэмжээгээрээ усаа ууна. 

- Дэглэмийн үед архи, согтууруулах ундаа хэрэглэхийг хатуу хориглох хэрэгтэй

- Дээрх 7 өдрийн дэглэмийг дахин нэг долоо хоног давтан барина. 

14 хоног энэхүү дэглэмийг барьж дуусгаад 1 сар амрасны дараа дахин давтаж болно. Энэхүү дэглэмийн хугацаанд гэнт их хэмжээгээр өөх тостой хоол идэж болохгүй. Учир нь энэхүү дэглэм болон хөц будаа нь таны гэдэс ходоод, хоол боловсруулах эрхтэний тогтолцоог бүрэн цэвэрлэнэ. Гэдэс, хавин орчмийн өөхийг хайлуулна. нүүр царайны өнгө гэрэлтсэн сайхан болно. Бие хөнгөн шингэн болох болно. 

Жич: жирэмсэн болон хөхүүл эмэгтэйчүүд, хүнд, ужиг өвчтэй хүмүүс, бие сэтгэл санааны хямралтай, ядаргаанд орсон хүмүүс хэрэглэхээс татгалзаарай.

Эх Сурвалж: http://www.1000jor.mn/

Илүүдэл жинтэй байж өөрийн биеийн аль нэг хэсэгтээ гутарч явах таагүй шүү дээ. Тэгвэл богино хугацаанд жин хаяхаас гадна бие организмаа...

Франц дэглэмээр турвал дахиж таргалахгүй

Энэ дэглэмийг францын хоолны эмч Пьер Дюкан зохиосон бөгөөд үнэхээр өндөр үр дүн үзүүлдэг дэглэм учраас дэлхий даяар маш их “моодонд” орж байна. Нүүрсуст хүнсийг хязгаарлах зарчимтай энэ дэглэмийг Аткинсийн дэглэмийн ээлжит шинэчилсэн хувилбар гэж хэлж болох юм. Аливаад төгөлдөржихөд хязгаар байх биш, сайжруулсан Аткинсын дэглэм гэдэг бол сайн л хэрэг, тийм биз дээ? Илүү жин маань л арилж байвал боллоо бус уу, дэглэмийн нэр хамаатай юу... Нүүрсуст хүнсний хэрэглээг огцом багасгахад тарган хүн эрс турдаг хуультай, эхний долоо хоногт 5 кг хүртэл ч турах нь элбэг. Харин, мэдээж, цаашид бол турах хурд багасах нь ойлгомжтой. За ингээд энэ, “супермоод” болоод байгаа франц дэглэмийг танилцуулъя.

Энэ дэглэмийг францын хоолны эмч Пьер Дюкан зохиосон бөгөөд үнэхээр өндөр үр дүн үзүүлдэг дэглэм учраас дэлхий даяар маш их “моодонд” о...